Shopping in Scotland

Forstår at det er ei viss interesse for kva LilleMø shoppa i Skottland. Kva var vel meir naturleg enn å finne ut meir om andre "cows"? Denne sjarmerande boka av Ulysses Brave inneheld mange flotte bilder av høglandsfe og visdomsord til ettertanke. Når det gjeld "fabrics" som LilleMø gjekk til innkjøp av så passar det nok ikkje med bilder av desse på bloggen. Men eg kan informere om at der er mange fleire butikkar som sel lekkert undertøy enn stoffbitar og garn... Trur faktisk at det er mykje billegare også.

Dagens visdomsord frå boka:
"Celebrate your difference from the crowd, take pride in yourself"

Edinburgh

Såg skuffande få menn med skjørt i Skottland, men møtte på denne unge mannen på "The Royal Mile" på veg opp til Edinburgh Castle. Han spelte for pengar slik at han kunne reise til Afrika... Dagen vart avslutta med ein tur ned i underverdenen til "The Edinburgh Dungeon". Dette var nok eit av høgdepunkta for jentene på heile turen. Her var det både vampyrar, spøkelser og torturkammer, men alle kom velberga ut. http://www.thedungeons.com/

Edinburgh Castle

Det gjekk med ein heil dag til Edinburgh Castle og Edinburgh by også. Her var det enno fleire turistar enn i Stirling. Bildet under måtte eg også finne på internet. Jentene var no blitt veldig lei av steinslott... Eit av høgdepunkt på slottet var å sjå "Honours of Scotland" (kroningsregaliane) og "Stone of Destiny" Utsikt frå slottet og ned på byen.
Mor og yngstejenta ved kanonene...

Jentene fatta mest interesse for "Dog Cementery", gravplassen for hundar som har vore i krig...

Stirling Castle og Stirling by

Brukte ein dag på Stirling Castle og Stirling by. Her møtte vi for første gang store hopar av turistar frå utlandet. Bildet under har eg funne på internet, derfor er der litt finare vèr enn på resten av bilda. Stirling er ein koseleg by med mange butikkar så det blei litt shopping der òg...
Utsikt frå slottet mot "Wallace Monument" som kan skimtast midt i bildet.
Også utsikt frå slottet ned mot Stirling.
Fleire flotte hagar på slottsområdet.

I'm back!

Så er vi vel heime att etter ei flott veke i Skottland.
Reiste frå Torp med Ryanair og landa på Glasgow Prestwick. Henta leigebilen på flyplassen og køyrde betenkt og i full konsentrasjon avstad med NeverLost System. Det gjekk heilt fint med rattet på høgre sida (gjekk litt i surr på første utgåve av reisebrevet...) og venstrekøyring! Men det er utruleg mange rundkøyringar i Skottland, også på motorvegen.
Fann lett fram til Inverkip der vi hadde ei flott leilegheit med alle fasiliteter. Sjølve landbyen var veldig liten, men marinaen var eksklusiv og Mercedes/BMW/Audi faktoren var høg i nabolaget.
Yngstejenta i marinaen rett ved der vi budde.

Næraste "byen" var Largs. Har var det badebymiljø og mange pensjonistar, men lite utlendingar. Der var heldigvis eit stort supermarked, men t.d. mjøl var neste uråd å finne i butikken så baking driv visst lokalbefolkninga lite med. I Largs er der eit senter som heiter "Vikingar". Der fekk vi grundig innføring i våre forfedre sine herjingar i Skottland. http://www.naleisure.co.uk/default.aspx?pageID=50 Utsikt frå Largs mot nordvest.
Strandpromenaden i Largs.
Som erfaren ferjebrukar vakte den lokale ferja natuleg nok interesse. Spesielt den lettvindte måten dei la til "kai".

I Glasgow vart det "Glasgow Science Center" og shopping. http://www.glasgowsciencecentre.org/ Mykje artig for både barn, tenåringar :-) og vaksne.

Var innom eit stort kjøpesenter med nærare 100 butikkar, men det var berre travelt...

LilleMø, On the Wrong Side of the Road...?

Marinaen i Inverkip.
Bildet under viser huset vi skal bu i.
Laurdag går turen frå Torp til Glasgow med fly. Eldstemann er veldig glad for at han kan vere heime og passe hunden. Vi har leigd leilegheit for ei veke i ein liten by som heiter Inverkip som ligg på vestkysten litt sør for Greenock. Ser veldig fint ut på bilder. Glasgow skal vere shoppingby nr. 2 etter London i Storbritannia (og mykje billegare...) og det ser vi alle fram til. Elles håpar vi på å sjå veldig mange slott og flott natur. Dessutan er vi jentene ganske spent på menn i skjørt:-) Som einaste sjåfør i familien er LilleMø mest bekymra for korleis det kjem til å gå med leigebil og venstrekøyring. Men det er ganske mange millionar som klarar det, så det må vel gå det òg...

Veska er ferdig!

Tenk, eg er ferdig med vikingskip-veska:-) Men nye prosjekt er alt under arbeid. Heklar no oldemorsruter, utan å vite kva eg skal bruke dei til. Det er nok ikkje så mange som sit ombord på ei ferje og heklar kl 7 om morgonen...

Veske for damer på vikingtokt (=shopping)

Det er no like før veska er ferdig. Berre montering står att. Sjå utsnitt av mønster! Av ein eller annan grunn ser to av fargane veldig blå ut på bilda. Dei er faktisk grøne, men skal prøve med eit anna kamera på det ferdige produktet.

Botnen på veska var største utfordringa. Det kunne kanskje ha vore litt betre forklart i mønsteret. Men då likskapen med Vikingskipet openbarte seg fekk damer på tur nesten ei ut av kroppen oppleving... Det kan ha vore synet av kjekke brannmenn som heldt til ved Vikingskipet som gjorde utslaget (Brannstasjonen kan skimtast i bakgrunnen), men sorry boy's, hekletøyet fekk nok mest oppmerksamheit likevel.

Etter å ha blitt utsett for kjøpepress (som eg naivt nok trudde eg skulle klare å stå imot...) frå Strikkemor(o) blei det handla garn på ein innhaldsrik butikk i Hamar sentrum. Etter litt "om og men" blei det klart at vesker er i skuddet for tida.

LilleMø stranda på Anda, redda av vikingskip...

I går var eg glad eg hadde med meg vikingskip-veska mi då det var kaos på ferjekaia. Måtte vente i over ein time pga at ein tivolibil hadde køyrd i grøfta. Moralen er: Legg ikkje ut på tur utan å ha ei veske på lur...