God julekule Jul!

Tenk at Strikkemor(o) klarte å få meg med på julekule-farsotten til Arne & Carlos

Var kjekt når svigerinna i Oslo, som fekk den raude og kvite kula, ringde og fortalde kor fornøgde dei var over å ha fått Norges mest trendy julepynt i julegåve:-)

Kveldstur i Stigedalen

  

Laurdag var Strikkemor(o), Victor og eg på ein flott kveldstur inn til Movatnet. Vi starta i sol, men på vegen tilbake blei det etterkvart ganske så kaldt... Strikkemor(o) nektar dessverre å la seg avbilde på bloggen...

Første tur på Fossane

2.pinsedag var Victor og Lillemø på Fossane for første gang denne våren.

Bilda er tatt kl ni om kvelden.

Bursdagsgåve frå Lappetausa

Denne flotte vårlege brikka fekk eg av Lappetausa til bursdagen min.

Den passar fint saman med påskepynten også:-)

Så vart det endeleg vår!

Nydeleg vårvèr i dag. Eg skal liksom jobbe med eit innlegg eg skal halde komande veke samt førebu prosjektarbeid. Då vart det plutseleg meir interessant å lage blogginnlegg:-)

Snøen smeltar i rekordfart:-)

Victor kosar seg på terrassen.

Siste sjal på ei stund...?

Er omsider blitt litt lei av å lage sjal, trur eg... Men kjekt å ha mange ulike sjal i mange ulike fargar. Dette heiter "Herbivore" og designer er Stephen West.

Så er det påan igjen med vest.

Endå eit sjal....:-)

Besta lurer på om vi ikkje har rikeleg med sjal her, men det blir visst aldri nok...:-) Dette Ishbel sjalet vart eg ferdig med i går. Det var eit ganske vanskeleg mønster, umogeleg å strikke og prate samstundes... Måtte rekke opp ein gang, men ga ikkje opp. Sjalet er strikka i Baby Silk frå "Du Store Alpakka". Anbefalt av Strikkemor(o). Skuldar ho framleis pengar for garnet...

Er sjølvsagt allereie i gang med neste sjal:-D

Godt Nyttår!

Flott vèr på 1. Nyttårsdag. Vi har mykje snø og Victor kosar seg på verandaen. Han har byrja å sleppe vinterpelsen allereie og det skuldast vel at vi har det heitt inne...

Årets vinnerlag

Her er vinnerlaget frå årets Minestronesuppe-party-quiz. Det var ein spesielt vanskeleg quiz i år så då var det ekstra kjekt å vinne:-)

Suppegryta holdt akkurat til 25 personar! Etterpå var det dessertar og kaker... som vanleg.

Nytt sjal til jul

Var på besøk hos Strikkemor(o) i dag og nytta høvet å få ho til å fotografere sjalet eg vart ferdig med i går kveld. Dette heiter "Little Colonnade" og er strikka av eit nøste Spire.
Ynskjer alle framleis God Jul!

Den lisje jenta med den store stemmen...

Bilder frå Fjordablader: http://www.fjordabladet.no/index.cfm?event=doLink&famID=105614&frontFamID=84279

Ja, den kommentaren har vi høyrt mange gangar dei siste dagane. Torsdag var det juleavslutning for 9.kl i Operahuset. Eit kjempebra show med eit vidt spekter av innslag. Høgdepunktet for oss var når Helene debuterte som heavy metal vokalist:-D Bandet og ho framførte "Enter Sandman" av Metallica.

No er planane vidare klare med Ungdommens kulturmønstring som første utfordring.

Videoen er ikkje av heilt topp karakter, men ein får eit visst bilde av korleis det var. Trur eg var meir nervøs enn jenta:-D

Link til originalen med Metallica på You Tube: http://www.youtube.com/watch?v=1QP-SIW6iKY

November

Lenge sidan forrige blogg-innlegg no... Tek sjansen på å sette inn bilder av meg nok ein gang sjølv om det er over grensa for eksponering etterkvart...men de får sjå på Victor:-) Denne jakka vart eg ferdig med for nokre veker sidan. Varm ulljakke i Alaska, og rask å strikke. Elles held eg på å lage julepresangar, men det er litt mindre prosjekt.

Interessant vèr for tida. Frå minus 6 grader fredag morgon og til pluss 15 grader på laurdag.

Endå ein vest

Denne var rask å lage og i eit kjempeherleg garn, Marks & Kattens Eco Multi Ull.

Omsider...

Hadde besøk av Strikkemor(o) i kveld og då var det endeleg ei som ville ta bilde av vesten min:-)

Tid for skjerf igjen...

Er for lengst ferdig med den brun/beige vesten, men har ikkje fått vaska og forma den skikkeleg enno, så då må bildet vente.

No er det kjekt å strikke litt småprosjekt igjen... Dette er eit skjerf i mønsteret Lacy Baktus (frå Strikkelise) i Opal, men passar best til blondiner trur eg:-) Kanskje det blir julepresang? Er godt i gang med skjerf nr 2 med same mønster, men anna garn og ein farge som passar betre til meg.

Trollenykjen 899 m.o.h.

No nærmar ferien seg dessverre slutten. Vèret har ikkje vore mykje å skryte av, men i går vart det omsider litt fint igjen. Har lenge hatt som mål å komme meg ein tur på Trollenykjen, og i går kom vi oss endeleg av gårde. Turen opp var lengre enn eg hadde trudd, men gjekk veldig bra. Nedatt var derimot ganske slitsomt. Hadde gløymt stavane mine så siste delen nedover blei ein lidelse... Stiv og støl i dag òg, men utsikta frå fjelltoppen var fantastisk! Og då meiner eg ikkje av LilleMø altså:-D LilleMø på toppen og med Hyen-fjorden i bakgrunnen.

Victor ser ned på Lote.

Lote-Anda, og så Sandane innerst i fjorden.

Eidsfjorden.

Eidsdalen med Stigedalsvegen.

Årets Strikkatrøye i Tour de France?

Trur eg ligg bra an til årets Strikkatrøye i TdF eller kva? Har riktignok ikkje brukt like lang tid som dei som syklar, men har slite meg over ein del fjellovergangar. Fantastiske naturbilder sjølv dei er litt vel magre tykkjer eg:-P

Familiefotografering

Feriedagar kan brukast til så mangt... Forrige veke hadde vi familiefotografering hos den nye fotografen på staden. Måtte nytte høvet før eldstemann flytta heimafrå. Det var fotografering både ute og inne, og med forskjellige antrekk. Men resultatet vart bra, så då er vel faktisk julepresangane i boks allereie:-)

Sommarjakka er ferdig!

Då var jakka ferdig. Kjekt å strikke mønster i berre ein farge, men kjedeleg å montere likevel... Men resultatet vart ganske bra tykkjer eg. Må vel besøke Strikkemor(o) i dag slik at eg kjem i gang med eit nytt prosjekt.

Victor 5 år i dag!

Elskar å bade....

Og å grave i sand og jord...

Dei to 5-åringane i familien likar godt å bade i lag. Og lyse i luggen er dei begge to:-)